Consultez le document  E-dépôt113 II BB 4 avec la visionneuse

TRANSCRIPTION

Consullat tenu a Montferrant en l’ostel

appellé la Chancellarie ou l’on a a[cou]stumé

tenir les consulatz de lad. ville par saiges

hom[m]es Jehan Bonhom[m]e, Anth[oine] Arland, Je[han]

Priault et Hervé Esclarsit bourg[ois] et

[con]sulz l’ann[ee] p[rese]nte de lad. ville le VIe jo[ur]

du moys de ja[n]vier l’an mil IIII^C IIII^XX et

ung

Auq[ue]l hostel et consullat, la cloche sonnee ainsi q[u’i]l est

a[cou]stumé se sont assemblés et congregés saiges hom[m]es P[ie]re

Bourcier, Jacques de Bournet, Olivier Champé, Guill[aum]e de Laygne,

Jehan Tailhier, Je[han] Parcheron, Jacques M[ar]tin, Pierre Paillisson,

Robert Fonel, Anth[oine] M[ar]tin Morel, Anth[oine] Tailhier, Jacmet Tailhier,

André Roux, P[ier]re Bonhom[m]e, Anth[oine] Seguy, P[ier]re Boschet advocat,

Durant Gouvault, Durant Pellar, Symon de Prie, Michiel

Balut, P[ier]re Thorenches masson, P[ier]re Morin, Loys Fonel,

Guill[aum]e du Mont, Jacques Malet, maist[re] P[ier]re Reboul advocat,

Lyonard Soret, Jacques Augustin, Hervé Riolet, Jacques Bellon,

Colas Riolet, P[ier]re Brunel, Guill[aum]e S[er]volle, Loys Bonhom[m]e,

B[er]trand Champé, P[ier]re Albiat, maist[re] P[ier]re Gaschier et Jeh[an]

Begon, ausquelz dess[us] no[m]és faisans led. consullat, s’est

lesd. [con]sulz ont dit et exposé q[ue] vray est[ant] q[u’i]lz av[oi]e[n]t

s[er]vy lad. ville a office de consulz le mieulx q[u’i]lz avoient

peu et admenistré la chose publicque ung an entier, requer[an]t

q[u’i]l leur pleust donner et bailher audicteurs de comptes pour

oyr leur compte et veoir ou ilz avoient mis les deniers q[u’i]lz

avoient mis sur et leur estat en raison, et sur ce f[air]e rapporter leur

compte p[ar] saiges hom[m]es m[aistr]e P[ier]re Reboul licen[cié] en loix, Jacques

Malet m[ar]chant, Jehan Begon not[aire], Jeh[an] Tailhier et André Roux

aussi m[ar]chans, ausquelz ilz avoient com[m]is oyr leur estat

[f° 6r]

et comptes com[m]e app[er]t p[ar] consullat du penultieme jour de

ja[n]vier d[ernie]r passé, lesquelz dess[us] no[mm]és et assemblés faisans

led. consullat ont ordonné ausd. audicteurs dess[us] no[mm]és q[u’i]lz

rapportassent led. compte a la verité sellon Dieu et leurs

conciances, lesquelz auditeurs dess[us] no[mm]és ont rapporté

led. compte en la manie[re] qui s’ensuit :

Et p[re]mierem[en]t la recepte desd. Consulz p[ar] ung an co[m]mencé

au moyz de ja[n]vier mil IIII^c IIII^xx, et fenisant aud. moys de

ja[n]vier mil IIII^c IIII^xx et ung, de la grant taille pour le paiem[en]t

des gens d’armes et equivall[ant] monte la som[m]e de deux mille

huit cens VI l. III s. t., p[ar] ce…………………………… II^M VIII^C VI l. t. III s.

Sur laquelle som[m]e de II^M VIII^c VI l. III s. ont esté faiz p[ar] lesd.

[con]sulz ou leur collecteur les paiemens qui s’ens[uiven]t :

A s[ir]e Françoys Bracher, recev[eu]r p[ou]r le roy n[ost]re s[ir]e au bays pays

d’Auv[er]g[ne] sur le fait des aydes et equiallent [sic] ou a Bremont

Fayet son co[m]mis, a esté payé p[our] le tailhe de lad. annee

et equ,vallent la som[m]e de deux mil C IIII^XX IIII l. IIII s. t.,

p[ar] ce…………………………… II^M C IIII^XX IIII t. l. IIII s.

A maist[re] B[ar]tholmy Reynault, recev[eu]r du roy a Montferrant,

pour ung marc d’or q[ue] lad. ville doit au roy n[ost]re s[ir]e ch[ac]un

an, la som[m]e de C XVIII l. X s. t., p[ar] ce……………………………C XVIII l. X s.

A maist[re] Gaspard S[er]viere, collecteur l’ann[ee] de[rnier]e passee, la som[m]e

de neuf cent qatre vings deux livres XVII s. X d. q[ue] lui

est[oient] deues p[our] reste des tailhes de l’ann[ee] de[rnier]e passee, p[ar] ce C IIII^XX II l. XVII s. X [d.]

[f° 7 r°]

A noble hom[m]e Jeahn Polard chastell[ain] de Montferrant

en deduction de c[er]taine som[m]e q[ue] l’en lui doit la som[m]e de

cinquante livres deux solz I d. t., p[our] ce……………………………L l. II s. I d.

Item en memes p[ar]celles com[m]e app[er]t p[ar] articles couchés

aud. compte la som[m]e de……………………………LXVII l. XVIII s. VI d.

Par les rebatz et nomvaloirs……………………………CXI l. IX s. III d. t.

P[ar] la tailhe des offices p[our] c[er]tains plaisirs q[u’i]lz ont fait

a la ville…………………………… XX l.

Par les gaiges des quatre consulz pour avoir

s[er]vy lad. annee la som[m]e de…………………………… XL t.

Et p[ar] ainsi tout conté et rebactu, veuz lesd. paiem[en]t

lesd. [con]sulz sont encores restés doivans a lad. ville la

som[m]e de LV s. VIII d. t., laq[ue]lle som[m]e a esté par baillé

a Jehan Priault en deduction de la dispence que lesd.

audicteurs avoient fait en son hostel en oyant lesd.

comptes

Et p[ar] ainsi lesd. consulz a cause de lad. tailhe et

recepte sont demourés quictes env[ers] lad. ville, et lad.

ville env[ers] eulx.

[f° 7 v°]

Font plus recepte lesd. [con]sulz de la tailhe

des rep[ar]t[iteurs] et compa[ar]t[iteurs] de lad. ville

p[our] lad. annee montans la som[m]e de IIII^XX

livres t. et ung sextier from[en]t

Sur laq[ue]lle som[m]e susd. lesd. [con]sulz ont payé ou quoy q[ue]

soit Durant Faug[er]at leur collecteur en plus[ieur]s p[ar]celles com[m]e

app[er]t p[ar] les ar[ti]cles du compte signé des auditeurs la som[m]e

de …………………………… LXXIX l. XIX s. XI d.

Et p[ar] ainsi sont restés doivans lesd. [con]sulz ou led. Faug[er]at

leur collecteur desd. rep[ar]t[ition] ung sextier froment et ung denier  

lequel sextier froment a esté baillé et deslivré aud. Priault

en deduction de lad. despence et p[ar] ce lesd. [con]sulz ou led.

collecteur restent doivant a lad. ville ung denier t.

p[our] ce ycy……………………………I d. t.

Plus font recepte lesd. [con]sulz p[our] lad.

annee de la ferme de la barre dud.

Montf[errand] mo[n]tant la som[m]e de III^C LVIII d.

Sur quoy lesd. [con]sulz ont payé la som[m]e de III^C XXI l.

dix neuf solz onze deniers t. com[m]e app[er]t p[ar] le[ur]s c[er]tif[icats]

et compte si randu et p[ar] d. les offices du roy

Sur et de laq[ue]lle som[m]e de lad. recepte les fermiers

d'icelle barre restent doivans à lad. ville la som[m]e de

XXXV l. X s. t.

Com[m]e des chos[es] et rapport susd. est plus a plain faicte

ment[ion] aud. compte sur ce randu, mis et redigé p[ar] escript

et icellui rapport, cy a esté dit et ord[onné] p[ar] les susd. faisans,

[f° 8r°]

led. consullat, veu led. rapport q[ue] lesd. [con]sulz auront

leur quictan[ce] de l’admenistrat[ion] q[u’i]lz auroient de lad. ville

lad. annee dessus declairee et amp[re]s tous d’une voix                                                    

ont esleu consulz nouveaulx au lieu des dess[us]d.

[con]sulz, c’est ass[avoir] maist[re] P[ier]re Reboul, licen[cié] en loix, advocat,

G[uillau]me de Laygne, bourg[ois], Estie[nne] Augustin, m[ar]chant, et Jeh[an]

Violete, laboureur, ausquelz a esté baillée p[ar] led. [con]sullat

l'admenistrat[ion] de lad. ville p[our] ung an

Oultre a esté ord[onné] p[ar] led. consullat touchant c[er]tains ar[ti]cles

baillés p[ar] aucuns p[ar]ticuliers de lad. ville q[u’i]ils soient

remonstrés a mons[ieur] le gouv[er]neur pour y mectre ord[re] et lad.

remonstrance faicte et euee responce de mond. s[ieur] le gouv[er]neur

q[ue] tout soit rapporté en consullat p[our] y pourveoir ainsi q[ue] Dieu

[con]seillera la ville

Aussi ont plus ord[onné] touchant c[er]taine requeste faicte p[ar] Jacmet

Vieulx fermier de la barre de Mo[n]tf[errand] disant q[ue] c[er]taines despances

lui auroient esté faictes q[u’i]l la ville leur est avoit en plus[ieu]rs pertes

a lad. ferme ce q[ue] les auditeurs ne leur avoient rebactu

q[ue] la som[m]e de XI l. VI s. III d. t. q[ue] envers il y perdoit

requerant q[ue] aucune chos[e] leur feust encores desduicte,

ord[onné] a esté q[ue] si les [con]sulz noveaulx voyent q[ue] aucune

chos[e] doye est rebactue aud. fermier q[u’i]lz la lui rebactent,

fait led. j[our] et an

6 janvier 1481 : le consulat de Montferrand rend ses comptes  

Arch. dép. Puy-de-Dôme, E-dépôt113 II BB 4