« Roolle et despartement faict l'année présante M VI C soixante dix sur les habitans de ceste ville de Clermont et fauxbourgs d'icelle des deniers ordonnés estre imposés ladite année par nous Jean Domat, advocat du Roy en la senneschaucée et siège présidial de ladite ville, Pierre d'Albignat, conseiller du roy et esleu en l'eslection gennéralle de Clermont, Guillaume Durand, bourgeois, Guillaume Besseyre, procureur, Amable Girard, marchand de soye, Guillaume Romme, marchant espicier, Claude Pascle, mareschal, et Guabriel Chelmas, laboureur, asseurs nommés avec noble Jacques Delairre, présidant en la cour des aydes pour procéder à ladite imposition et despartement par assemblée genneralle tenue le IX janvier de ladite année présente 1670 auquel nous avons proceddé sur l'estat et noms mis en mains signé par monsieur le Camuet, chevalier, conseiller du Roy en tous ses conseils, maistre des requestes ordinnaire de son hostel, commissaire depparty et desputté par sa majesté pour l'exécution de ses ordres en la généralité de Riom et province d'Auvergne et permission de messieurs les esleus de faire l'imposition des sommes y contenues du XIIII juiller dernier le plus justement et esgallement qu'il nous a esté possible tous pores et [1 mot] cessans, suivant le serment par nous presté es mains de mesieurs les eschevins ainsy que s'enssuict et ce en l'absance dudit sieur Delaire qui n'y a voulu adcister ».