Consulter le document 5 E 18 360

F°1 r°

1. En leurs personnes establyes Gabrielle Vaisseyre, vefve

2. de Anth[oin]e Jehanel habitante a Vialette p[ar]oisse

3. d’Ambert d’une p[ar]t, et Annet Jehanel son filz, tupinier

4. dud. lieu de Vialette, faisant d’aultre, de leur gré [et]

5. voulanté ont [con]sideré q[ue] Damyen Jehanel, fils aisné

6. de lad. Vaisseyre, c’est sepparé longemps y a de leur

7. maison [et] [com]panie [et] a fais ses afferes p[ar]ticulhers

8. led. deffuns Anth[oin]e avoué de son vivant maryé

9. Damyane Vaisseyre aultre filhe, la pluspars de la doct

10. de laquelle lad. Vaisseyre [et] Annet Jehanel sond. filz

11. ont payee de leurs moiens [et] industryes qu’ilz ont

12. sus autres ( ?) mestier de tupinerie, et encores despuys

13. quelque temps en sa, lad. Vaisseyre mère a maryé

14. Anna Jehanel son aultre filhe avecq Marcial Briat

15. a laquelle elle n’a moyen payer les choses [con]stituées

16. sans employer les moiens, industrye et travalh

17. dud. Annet son filz moingtz a moyen maryer Anth[oinette]

18. Jehanel son aultre filhe fort jeune, norrir

19. [et] entretenir Claude,  Benoid [et] Guilh[aume] Jehanel

20. ses aultres  enfans masles myneurs [et] en bas eage

21. p[our] n’avouer aulcuns biens paternelz de leurd.

22. père ou bien peu q[ue] a cause de la velhesse [et] caducitté

23. d’elle, et led. Annet n’employer son trivalh, jeunesse,

24. moyens [et] industrie, ce q[ue] faisant ne seroient raisonable

25. q[ue] apres le decedz de lad. mere [et] soubs p[re]texte qu’ils demoureront

F°1 v°

26. ensanble amployant leurs industryes

27. a payer les doctz des deux filhes maryees fere

28. mesme [con]stitution a celle qu’est a maryer co[m]e il l’est

29. fait a la der[nier]e marriée, norrir [et] mettre de mestier

30. les masles devant no[m]més ; Par quoy lesd. mere

31. [et] filz establissantz de leur gré [et] voulunté en p[rese]nce [et]

32. du [con]sentement dud. Damyen Johanel icy p[rese]nt [et] establissantz

33. [et] lequel en faveur des [con]venances des p[rese]nts aquets

34. au proffit dud. Annet sond. f[re]re tout droict successif

35. qu’il peut avouer [et] p[re]tandre a la successsion dud.

36. Anth[oine] leur pere [et] qu’il pourront avouer a l’advenir

37. a lhereditté de lad. mere, lesquelles il acquectes

38. au proffit de sond. fre[re] en pacte et a la charge de satisfere

39. es charges du p[rese]nt [con]tract q[ue] sont q[ue] lesd.

40. mere [et] filz ont promis [et] accordé ch[ac]un p[ar] moytié

41. [et] de leurs biens, industryes, trivalh [et] proffictz

42. qu’ilz ont fais [et] pourront fere cy apres payer

43. les choses promizes [et] constituees . esd. Damyane [et]

44 Anna Johanel [et] fere [et] payer a lad. Anth[oinette]

45. Johanel mesme [con]stitu[ti]on q[ue] a esté faite a lad. Anna

46. lorsqu’elle trouvera son p[ar]ty en mariage

47. [et] jusques a ce la norrir [et] habilher, et aussi

48. norrir [et] habilher lesd. Claude, Benoid [et] Guilh[aume]

49. Johanel aultres enfants masles [et] leur apprendre ou

F° 2 r°

50. fere aprandre leur mestier a la charge q[ue] lad. Anth[oinette] lors de son mariage

51. [et] lesd. masles lorsqu’ilz seront mis de mestre quicteront au

52. proffict dud. Annet les heredittés [et] successions de leursd. pere

53. [et] mere q[ue] po[ur] lesd. norritures, [con]stituc[io]n [et] aprintissage

54. exedder leurs pourcions desd. heredittés

55. lesd. Anth[oinette], Claude, Benoid [et] Guilh[aume] Jehanel absantz [et] po[ur] eulx

56. au plains le noth[ai]re et moyennant [et] faveur de ce q[ue]

57. dessus lesd. Vaisseyre [et] Annet Jehanel establissans

58. se sont associés [et] par ces p[rese]ntes eulx associent, ont

59. miz [et] mestent ensembl e[et] en comun tous [et] ch[ac]uns leurs

60. biens meubles, immeubles, noms, debtes, droictz [et]

61. actions quelsconques qu’ilz ont de p[rese]nt ou pourront

62. avoir a l’advenir, sans en rien reserver et soubz

63. (con)venan(ce) expresse accordee q(ue)  le survivant survenant (et)

64. der(nier) morant desd. mere (et) filz associé sera heritier

65. universel du premier morant, il y enfans ou sans

66. enfens, mesmes de la p(ar)t de lad. Veyssere po(ur)

67. avoir souffisam(en)t appXXXX (et) pour trover sesd. enfens

68. par le moyen des (con)venan(ce) devant dictes et qu’elle

69. espere avouer aut(r)es enfens a l’adevnir po(ur) ne

70. voulloir entrer a segondes nopces, et s’il y a

71. enfens dud. Annet filz repre(en)teront leurd. père

72. a la p(rese)n(t)e associeté, laquelle ne sera interrompue 

73. par p(ar)taige subcequant ne par la mort dud.

74. Joannel filz au (con)traire aura l’un entier

75. les enfans dud. Annet (et) lad. Veysseyre mere,

76. et aud. cas de partaige led. Annet Joannel

77. demeurera tousjours chargé de payer sa part (et) moitié

78. des charges devant dictes p(ar) ce q(ue) soubz les (con)ditions

79. desd. charges la pre(sen)te associeté a esté accordee

80. (et) contract (et) laquelle associétté lad. mere ne est

81. aut(remen)t acordee (et) contractee car aussy a

F°2 v°

82 promis (et) juré (etc.), obligé respectivem(ent) leurs biens

83. (etc.) (que) une chose n’estre adevnue (etc.) reconn(aissant) etc., voll(ant) etc.)

84. soubz ans (etc.). Faict a Ambert, maison du noct(aire)

85. appres midi, p(rese)ntz Pierre Daurelle clerc d’Ambret q(ue)

86. a signé, Annet Joannel maistre tuppinier estant

87. aud. lieu de Viallette, et Anth(oin)e de Gouy courdonier

88. dud. Ambert q(ue) n’on seu signer ne les p(ar)ties le XIII

89. jour de mars mil VC IIIIXX (et) seize

Ambert, Association de Gabrielle Vaisseyre, Anthoine Jehanel et Annet Jehanel (13 mars 1596). 

Arch. dép. Puy-de-Dôme, E-dépôt 5 E 18/360