28 décembre 1461 : « les priver et séparer de la conversacion des personnes saines »
TRANSCRIPTION
Copie de la dimission f[aic]te p[ar] P[ie]re Bonhomme,
bourgoiz de Montferrant, du gouv[er]nement et
maistrise de la maison ou enfermerie d’Erbers
lez Montferrand et de l’Espurge app[ar]ten[ant] aud. office
et aut[re]z choses es mains desdiz Constantin,
Cosson, Borceir, Annonez, consulz dud. Mo[n]tf[erran]d,
comme s’ens[uit] :
A tous ceulx qui ces p[rese]ntes lectres verront et orront, Michiel
Galthier, licencié en decretz et bachellier en loix, garde et tenant le seel royal de la
chancellerie de Montferrand en Auv[er]gne constituié, salut. Savoir faisons que
en n[ost]red. court de Montferrand et dedans l’ostel appellé de la Chancellerie
de Montferrant situé au quartier de la Sonerie, en la p[rese]nce des not[aires] et tesm[oins]
cy ampres escriptz, estans et personnel[le]me[n]t establis honnorables hommes G[ir]auld
Constantin, Jehan Cosson, Pierre Bourceir, P[ier]re Annonez dit Odon, bourgoix
et habitans de la ville de Montferrand et consulz l’ann[ee] p[rese]te com[m]ençant
le XXVIIme jour de decembre l’an mil CCCC LXI et finis[sant] le semblable jour
l’an revolu mil CCCC cinquante deux soixante deux de lad. ville de Montferra[n]t
et maistr[es] et gouvern[eurs] de l’ostel, enfermerie et maladerie d’Erbers lez lad.
ville de Montferrant est venu et comp[ar]u devant lesd. consulz, maistr[es] [et]
gouvern[eurs] honneste p[er]sonne Pierre Bonhomme bourgoiz de lad. ville
de Montferrant, lequel a dit et exposé esd. consulz maistr[es] et gouvern[eurs]
que du deu et droit de leursd. offices leur app[ar]tient et est leu au moyen
des privileges donnez et octroyez a leurs predecess[eu]rs consulz et es manans
et h[abi]tans d’icelle ville de Montferrant p[ar] le roy n[ost]re s[ire] s[eigneur] de lad. ville
de Monterferrand et p[ar] ses predecess[eur]s roys et s[ieu]rs d’icelle d[ic]te ville de Montf[erran]d
et p[ar] la cons[er]vac[i]on du bien et utilité publiques et autrement deuement
eulx enquerir, informer et faire enquerir et informer es pais d’Auv[er]gne
Limozin, Rouergue, Vellay, Givauldain, Lyonnez, Forestz, Bourbonnoys, Berry et
autrez pais circonvoisins des p[er]sonnes souspeçonnez d’estre entacheez et qui
sont entacheez de la maladie de lepre, mezelerie ou de ladrerie, et icelles p[er]sonnes
fere adjourner a l’instan[ce] de leur procureur qui par eulx s[er]oit ordonn[es] a comp[ar]oir
par devant eulx ou leurs commis et deputez en ceste partie a c[er]tain jour
et heure ou jours et heures competans aud. lieu d’Erbers en la place
acoustumee p[ar] eulx et leurs predecess[eur]s seoir en tel cas pour lui r[en]dre
sur ce et estre veuz et visitez aussi et exp[er]imentez comme est acoustumé
de faire par leurs predecess[eur]s et aut[re]z a ce faire ydoinez et expers
leurs commis en tel cas, et icelles p[er]sonnes [con]traindre et faire [con]traindre
a venir et comparoir ce faire et soufrir par toutes aut[re]z voyes deuez
et raisonnables, et icelles p[er]sonnes qui sont de ce accuseez et entacheez
de lad. maladie après que sont ou ont esté veuez et visiteez [et] exp[er]imenteez
comme dit est, si sont trouveez entachees d’icelle maladie, les declerer telz,
dire et nommer, les priver et sep[ar]er de la conv[er]sac[i]on des p[er]sonnes saines
et les autres p[er]sonnes qui sont trouvees saines et non entachees de lad.
maladie et non sep[ar]ables les dire, declerer et nommer p[er]sonnes saines
et non sep[ar]ables povoir et devoir conv[er]ser avec les aut[re]z p[er]sonnes saines
et sur ce donner tel provision et lectres comme le cas requiert et
rais[on] veult, et que icellui Bonhomme p[ar] aucunes aucuns des p[re]decess[eur]s
desd. consulz avoit esté co[n]nus ou lieu d’eulx et pour eulx, iceulx
estans occupez d’autres affaires a execercer led. offic e de maistre
ou gouverneur de lad. maison ou enf[er]mermerie d’Erbers et del’Espurge app[ar]ten[ant]
aud. office p[ar] raison de lad. maison et le droit de povoir espurger
et faire espurger aud. lieu d’Erbers et illec f[air]e venir les lepreux
actaintz et souspeçonnez du mal ou maladie de leprosie dud. pais
d’Auvergne et aut[re]z circonvoisins, considerant icellui P[ie]re Bonhom[m]e
sad. conmission estre revocable et que lesd. consulz le povoient
revoquer, casser et adnuller, pour ce led. P[ier]re Bonhom[m]e en tant
que mestier est, de son bon gré et franche volunté s’est desparty
et desp[ar]t par la teneur des p[rese]ntes l[ett]res de sad. co[m]mission et dud. office
a lui donné co[m]me dit est p[ar] les predecess[eur]s desd. Consulz, et aussi
de toutes impetrat[ion] et l[ett]res royaulx et aut[re]z a occasion de ce faictes
p[ar] lui obtenuez tant du roy n[ost]re s[eigneu]r comme des predecess[eu]r[s] consulz desd.
consulz et aut[re]z, et d’iceulx don, commissions, l[ett]res [et] impetrat[ion] led.
P[ier]re Bonhomme s’est desmis es mains desd. consulz, maistres [et] gouvern[eur]
a randuez et baill[é] iclles dictes l[ett]res ensemble ung petit seel d’argent
au champt gravé unes cliquettes en signe desd. desp[ar]tem[en]t [et] desmission
et deslaissement desd. co[m]missions, don et office, lesquelles lesd. [con]sulz
maistr[es] et gouvern[eurs] ont accepteez et receuez pour et au prouffit
et utilité d’eulx et de leurs success[eur]s consulz, maistr[es] et gouvern[eurs] desd.
ville et maison et en ont deschargé led. P[ier]re Bonhomme et deffendu
aud. P[ier]re Bonhom[m]e que doresenavant ne se entremecte desd. offices
de maist[re] [et] gouvern[eurs] de lad. maison ne du contenu en sad. co[m]mission, leq[ue]l
P[ier]re Bonhom[m]e a respondu que il se garderoit de mesprandre et
ne s’entremecroit doresenavant point de exe[r]cer icelle com[m]ission, sur
et desquelles choses lesd. consulz, maistres et gouvern[eurs] ont requis
a n[ost]re not[aire] dedans escript ces p[rese]ntes l[ect]res et instrum[en]t q[u’il] leur
ont esté octroyeez du vouloir et [con]sentem[en]t dud. P[ier]re Bonho[m]me,
es p[rese]nces de maistre Jullien G[ar]nier, maistre P[ier]re Boschet, Guill[au]me Lacineulh, P[ier]re
Champé, Rotbert Bournet, Jehan Albiat, Gabriel Rolet, Jehan Augustin,
Anthoine Tailher, Bertrand Champé, Girault Brunel, Durand de Redont,
Jacmet Testut, Durant G[ir]ault, Jehan Fohet, P[ier]re Biolet dit Bonnefont,
et Jehan Beyrier bourgoiz et babitans de lad. ville de Montferrant, tesm[oings]
a ce appellez et requis, en tesm[oignage] desquelles choses nous, garde desd.
Seaulx, a ces p[rese]ntes l[ect]res avons fait mectre et appendre au prouffit et
utilité desd. consulz, maistr[es] et gouv[er]neurs led. seel que nous tenons,
le lundi XXVIIIme jour de decembre l’an mil CCCC soixante ung.
28 décembre 1461 : « les priver et séparer de la conversacion des personnes saines »
Arch. dép. Puy-de-Dôme, E-dépôt113 II BB 2