29 janvier 1606 : mariage Ferrandon Lemoyne
[f° 1r°]
Furent presans Pierre Lemoyne filz feu Gilbert
laboureur du vill(age) du Chassain parr(oiss)e de Saint Gervais
pour soy d’une part, et ven(era)ble personne M(essi)re
Guillaume Ferrandon, p(rest)re, Anthoinette Fournial,
vefve de feu Michel Ferrandon et Gervaise
Ferrandon, fille de lad. Fournial et dud. defunct,
h(abit)ans du vill(age) de Charnilhat, p(ar)r(oiss)e dud. Sainct-
Gervais, lad. Ferrandon estant dame de ses
droictz et de aige competant pour contraicter
mariaige ainsy qu’elle a dict et apert
par l’inspection de sa personne, toutesfoys
procedant en tant que bezoingt seroit de l’auctorité
de lad. Fournial sa mere, laquelle l’a auctorisee
pour l’effect des p(rese)ntes, faisant une aultre
partye, lesquelles p(ar)tyes conseillees par leurs
parans et amys assemblés font des promesses
de mariaige, pactes et convenances sequantes,
que sont q(ue) lesd. Lemoyne (et) Ferrandon fille
promettent eux prandre par vray (et) loyal
mariaige et d’y observer les status de Saincte
Mère Église catholique, apostholique
rommaine, moyenant ce q(ue) lesd. Ferrandon
p(rest)re (et) Founial promettent et constituent
a lad. Ferrandon et p(ar) elle aud. Lemoyne et
dessandans de leur mariaige p(ar) tous biens
de père, mere, freres, seurs et aultres p(rese)ns
et advenir tant que la ligne masculine
durera, assavoir lad. Ferrandon habiller
[f. 1 v°]
des habis q(u’e)lle a de p(rese)nt, et oultre iceux
une robbe de drap blanchet garnye de
manches de drap noir, avec ung lict garny
de ceitte cuossins de plume, quatre lincieux,
une couverte de burel, ensemble ung coffre
garny de menu linge, le tout sellon la callité
des partyes, plus par doict la somme de
quatre vingtz dix livres t(ournois), quatre brebis
avec quatre aigniaux, led. meuble payable
a req(ue)te, led. bestail a la feste de saint Jehan
Baptiste prochaine, et lad. somme assavoir
a chescune des troys festes de Noel prochains
trante livres t(ournois), ausqulez payement lesd.
m(essi)re Guillaume Ferrandon (et) Fournial, l’ung po(u)r
l’aultre et seul p(our) le tout sans division ne
discution, renonç(ant) etc., mesmes lad. Fournial
au benefice du velleien a elle faict entendre,
obligent ennvers lesd. futurs expoux tous (et)
ch(asc)uns leurs biens une execu(t)ion (etc.)
, laquelle
doct sera assignee p(ar) led. Lemoyne, en
l’autoricté duquel lad. future expouse,
moyenant la susd. constitu(ti)on et du
consantement desd. Ferrandon p(rest)re (et) Fournial,
quite (et) reconce tous sesd. biens sus declerés
au profict d’Anthoine Ferrandon son frere
aisné pour lequel lesd. Ferrandon p(rest)re et
Fournial avec le not(aire)ont accepté lad. quittance,
en cas de survie led. Lemoyne survivant
[f° 2 r°]
lad. future expouse il gaignera sur les
biens d’elle, y aye enfans ou non, dix livres
et au contraire predeceddant a icelle
Fournial elle gaignera sur les biens dudict
Lemoyne quinze livres, quant aux fraiz des
fiançailles (et) nopces seront payees par moityé
La susd. constitu(ti)on faicte par lesd. Ferrandon
p(rest)re (et) Fournial franche (et) quite de tous
debtes (et) charges hereditaires et des au(ltre)s choses
non exprimees au p(rese)nt contraict les partyes
respectiveme(n)t p…. (et) acceptation s’en remettent
a la dispoz(it)ion de la généralle coustume
d’Auvergne, tiltre des doctz (et) mariaiges, car
ainsy etc., promis juré respectivement
etc. … andre etc. randre despans etc. voullu etc.
soubzmis etc., renon(çant) etc. Faict a Sainct-Gervais
en la maison du not(aire) après midy,, p(rese)ns ven(era)bles
personnes Mres Ypolite Beneyton p(est)re curé
dud. S(ainc)t Gervais, Gilbert Charnilhat (et) Pierre
Fournial au(ltre)s p(rest)res dud. lieu, Mes Jehan
Perchon hoste y ha(bita)nt, Gervais Soullier
boulengier y rezidant aussy Michel Bernard
Decaval (et) Durant Lemoyne du Chassan,
lesquelz et contraictans, reserve led. Ferrandon
p(rest)re, n’ont sceu signer et icelle Ferrandon
a aussy signé, le vingt neufyesme jo(u)r de
Mariage Ferrandon Lemoyne (29 janvier 1606).
Arch. dép. Puy-de-Dôme, E-dépôt 5 E 0/1397