Présentation du contenu : « Roolle des deniers communs mis et imposés en la présente année mil cinq cens quatre vingtz unze sur les manans et habitans de la présant ville et cité de Clermont principalle et cappitalle d'Auvergne et faulxbourgs d'icelle, le fort portant le foible par honnorables hommes messire Pol de Brug, chastellain de Gerzat, maistre Jacques Fevrier, contrerolleur du tailhon, Guillaume Mège, Anthoine Chassalais, Anthoine Ceberet, Charlin, Arinaud, Jehan Lafont Champeige, Cosme Blaton, merchant et bourgeois de ladite ville et François Esparvier Quinquat l’aisné, laboureur, habitans d'icelle commis et dépputés par assemblée genneralle de ladite ville tenue le VIIe jour de janvier en ladite année mil V C IIII XX unze pour aseoir et imposer sur tous lesdits manans et habitans de ladite ville et faulxbourg, exemptz et non exemptz, previlliegés et non previlliegés, la somme de six mil six cens soixante six escus quarante solz faisant portion de la somme de quarante quatre mil huit cens vingt neuf excus cinquante quatre solz quatre deniers avec les interestz d'icelle ordronnez estre imposé sur lesdis manans et habitans par les patentes du roy du XVIe aoust mil V C IIII XX troys signées par le conseil. Forget. scelles du grand sceau de sa majesté et lettres d'attache de messieurs les trésoriers de France du VIIe février mil V C IIII XX quatre signées Moreau Cistel et Regin pour subvenir à l'acquitement de debtes deubz par ladite ville plus la somme de trente cinq escus en vertu d'une commission de messieurs les esleuz en l'élection de Clermont du IIIa mars M V C IIII XX neuf signée Molin à laquelle somme la dite ville [1 mot] l'année 1589 [1 mot] pour sa portion de la somme des deux mil escus ordonné estre levée pour les affaires des gens du tiers estat des pays plus pareille somme de trente cinq escus par autre commission desdis sire esleuz du VIIIe jour d'aoust mil V C IIII XX dix pour mesme effect que la précédente toutes les dites sommes revenant à la somme de six mil sept cens trente six escus quarante solz de laquelle avons imposé la somme [1 blanc] contenue au présent rolle et ladite imposition commansée ceste VIIIe jour de mars audit an M V C IIII XX unze en vertu du susdit dellibératoire d'assemblée généralle de ladite ville dudit VIIe jour de janvier audit an et d'autres du conseil d'icelle du XXIXe avril ensuyvant et en icelle imposition et cotisation avons procédé le plus justement qye possible nous a esré et comme cy après au présent rolle est déclairé et en la somme que avons imposé ne sont comprinses noz indictions ny le sol pour livre pour le droict de levange ne autres fraiz faultz pour ladite imposition, ladite somme de VI M VII C XXXVI l. XL s. paiable à quatre termes ou par esgalles portions assavoir le premier des le premier janvier derrenier passé, le second au premier avril prochain, le tiers au premier juillet ensuyvant et le quatriesme ou dernier au premier octobre aussi ensuyvant au paiement de laquelle somme seront les [1 mot] au presant rolle contrainctz comme pour les propres deniers ou affaires du roy selon et comme est contenus esdites lettres patentes ».
